Sponge Gog Cute pants
twitter.com/Hagoristic:
Answer:
actually kont medalla3aha a5er dalla3 le daraget eny fel a5er :D makontesh ba7otelha sandbox XD its my fault I know
Answer:
mom let her go to the streets because she used to take shit on everything -_- , I kept looking for her but i never found her back
أنا بقالى كتيير قوى ما كتبتش حاجة
و انهاردة كان يوم طويل و حزين فى الشغل و فى حياتى عامةً
دايماً ربنا بيبعتلى حاجات تدينى طاقة و تطلّعنى برة دايرة الهموم شوية
و أنا مروحة فى الشارع بتاع البيت ولاد البوابين كلهم كانوا ملمومين حوالين قطة عمالّة تلف حوالين نفسها
و عندنا تحت البيت واحد ميكانيكى كان واقف معاهم ماسك عصاية و عمال يضرب بيها القطة على راسها و أنا كل دة المشهد من بعيد و مش شايفة كويس إيه اللى بيحصل
لمّا قربت أكتر اتّضح لى إن القطة يا عينى كانت بتلحس علبة ماكريل (للى ماربّاش قطط قبل كدة الماكريل دة نوع من أنواع السمك كدة بيبقى معلّب زى التونة) ف الظاهر كدة و هية بتلحس بقايا السمك اللى فى العلبة راسها إتحشرت جواها و بقت عمّالة تلف حوالين نفسها و الراجل الميكانيكى عمّال يخط العلبة على راسها إعتقاداً منه إنها كدة هتطلع و طبعاً القطة خايفة و من كتر اللف نفسها راح و إستهلكت كل الهوا اللى كان فى العلبة
حاولت أمسكها انا و الميكانيكى بس للأسف ما عرفناش لأن طبعاً قطة شوارع و بتلوّح بإيدها و ضوافرها فى كل ناحية غير إنها بتتحرك بطريقة هستيرية جداّ
فى الآخر نفسها راح فعلاً و نامت فى الأرض و تقريباً كانت بتموت خلاص لما بنت تانية كانت معدية فقلتلها تساعدنى نمسكها سوا .. و القطة من خوفها كانت بتفضى بطنها و هى نايمة عالأرض و بتترعش فى هستيرية
البنت مسكتها و كان وقتها بقى ناس كتيرة إتلمت و العمال اللى بيبنوا فى العمارة الجديدة جابوا حاجة كدة زى مقص عشان يحاولوا يقطعوا العلبة بس للأسف ما كنش فيه وقت
بقد ما البنت مسكت رجلها مسكت أنا راس القطة بإيد و العلبة بالإيد التانية و إبتديت واحدة واحدة أسحبها لحد ما فعلاً طلعت
و بعدها القطة جريت بعيد و بسرعة قوى من غير ماتقوللى شكراً حتّى … يعنى مش الناس بس اللى مش بيقولوا شكراً :D
و أنا طالعة البيت شمّيت إيدى و إفتكرت ريحة الماكريل و قطتى و إفتكرت قد ايه باكره القطط و بخاف منهم و لحد دلوقتى بطنى واجعانى و ماكلتش حاجة
